ஆதரவற்றவர்களுக்கு 3 ஆண்டுகளாக உணவளித்த சீக்கியரை கவுரவித்த அவுஸ்திரேலியா

by oviya Tue Sep 01, 2015 3:21 pm

அவுஸ்திரேலியாவில் நடைபாதைகளில் வசிக்கும் ஆதரவற்றவர்களுக்கு, உணவிட்டு வந்த இந்திய வம்சாவளியைச் சேர்ந்தவரை அவுஸ்திரேலியா கவுரவித்துள்ளது.
கார் ஓட்டுனராக பணிபுரியும் தெஜிந்தர் பால் சிங் தினமும் 30 கிலோ உணவுகளை சமைத்து, தங்குவதற்கு வீடின்றி தவிக்கும் ஆதரவற்றவர்களுக்கு, கடந்த 3 வருடங்களாக உணவிட்டு வந்துள்ளார்.

இந்நிலையில், அவரது சேவையை பாராட்டும் வகையில் காமன்வெல்த் வங்கி நடத்தும் அவுஸ்திரேலிய விருது நிகழ்வில், இவருக்கு 'Australian of the Day' என்ற விருதை வழங்கி கவுரவித்துள்ளது.

தெஜிந்தர் பால் சிங் இது குறித்து கூறுகையில், நான் பின்பற்றும் சீக்கிய மதம் வருமானத்தில் 10 சதவீதத்தை மற்றவர்களுக்கு உதவி செய்வதற்காக பயன்படுத்து என்று சொல்கிறது.

அதன் படி நான் இந்த சேவை செய்வதற்காக பயன்படுத்துகிறேன் என்று தெரிவித்துள்ளார்.