பலாத்கார முயற்சியில் கொல்லப்பட்ட பெண் மருத்துவர்: திடுக்கிடும் தகவல்கள்

by oviya Thu Aug 27, 2015 3:06 pm

சென்னையில் நடந்த பெண் மருத்துவர் கொலை வழக்கில் பொலிசார் விசாரணையில் பல திடுக்கிடும் தகவல்கள் வெளியாகியுள்ளது.
சென்னை கீழ்பாக்கம் மருத்துவ கல்லூரியில் மேற்படிப்பு படித்து வந்த சத்யா தங்கி இருந்த அறையில் கடந்த 20ம் திகதி கழுத்தை அறுத்து கொலை செய்யப்பட்டார்.

இந்த கொலை வழக்கில் அவரது பக்கத்து அறையில் தங்கியிருந்த திரிபுரா மாநிலத்தை சேர்ந்த அரிந்தம் தேப்நாத் (22) என்ற பொறியியலாளர் கைது செய்யப்பட்டார்.

அரிந்தம் தேப்நாத் சத்யாவின் விலையுயர்ந்த அப்பிள் ஐபோனுக்காக அந்த கொலையை செய்ததாக கூறப்பட்டது.

ஆனால் சத்யாவின் கணவர் ஜேசு, தனது மனைவியின் கொலைக்கு பின்னால் வேறு காரணம் இருக்க வேண்டும் என்று சென்னை காவல்துறை ஆணையருக்கு புகார் மனு அளித்துள்ளார்.

இந்நிலையில், நேற்று பொலிஸ் உயர் அதிகாரி ஒருவர் இது தொடர்பான தகவல்களை வெளியிட்டுள்ளார்.

அதில், சத்யாவின் கொலை வழக்கில் வேறு பின்னணி நபர்கள் யாரும் இல்லை.

அரிந்தம் தேப்நாத் தான் கொலையாளி என்பதற்கான முழு ஆதாரங்கள் விசாரணையில் கிடைத்துள்ளது.

சத்யாவை கொலை செய்து விட்டு, அரிந்தம் தேப்நாத் அறைக்கதவை வெளியில் பூட்டி விட்டு செல்கிறார். அந்த சாவியை அரிந்தம் தேப்நாத்திடம் இருந்து கைப்பற்றி உள்ளோம்.

இந்த கொலை செல்போனுக்காக மட்டும் கொலை நடக்க வில்லை. அரிந்தம் தேப்நாத் தனியாக அறையில் இருக்கும் சத்யாவை பலாத்காரம் செய்ய முயன்றுள்ளார். அதில் தோல்வியடைந்ததால் சத்யா கொலை செய்யப்பட்டுள்ளார்.

மேற்கண்ட தகவல்கள் அனைத்தும் கொலையாளி வாக்குமூலமாக கொடுத்துள்ளார்.

மேலும், குற்றவாளிக்கு உரிய தண்டனை பெற்று தரப்படும் என்று தெரிவித்துள்ளார்.