விஷம் வைத்து கொல்லப்பட்ட சுனந்தா: திடுக்கிடும் தகவல் (வீடியோ இணைப்பு)

by oviya Tue Jan 06, 2015 2:23 pm

முன்னாள் மத்திய அமைச்சர் சசி தரூரின் மனைவி சுனந்தா புஷ்கர் கொலை செய்யப்பட்டுள்ளார் என்று டெல்லி பொலிஸ் கமிஷனர் தெரிவித்துள்ளார்.
கடந்த ஆண்டு ஜனவரி மாதம் 17ம் திகதி டெல்லியில் உள்ள லீலா ஹொட்டலில் அமைச்சர் சசி தரூரின் மனைவி சுனந்தா பிணமாக கண்டுபிடிக்கப்பட்டார்.

இதுகுறித்து பொலிசார் வழக்குப்பதிவு செய்து விசாரணை நடத்தி வந்தனர்.

இந்நிலையில் சுனந்தாவின் உடலை பரிசோதனை செய்த மருத்துவர்கள் குழு இறுதி அறிக்கையை டெல்லி பொலிசாரிடம் ஒப்படைத்துள்ளது.

அந்த அறிக்கையில், சுனந்தாவின் மரணம் இயற்கை இல்லை என்றும் அவர் இறக்க விஷம் தான் காரணம் எனவும் தெரிவிக்கப்பட்டுள்ளது.

இதனையடுத்து டெல்லி பொலிசார் சுனந்தாவின் மரணம் குறித்த வழக்கை தற்கொலையில் இருந்து கொலையாக மாற்றியுள்ளனர்.

இதுகுறித்து டெல்லி பொலிஸ் கமிஷனர் பி.எஸ். பஸ்ஸி கூறுகையில், சுனந்தா விஷம் வைத்து கொலை செய்யப்பட்டுள்ளார்.

அவருக்கு வாயில் விஷத்தை ஊற்றியிருக்கலாம் அல்லது ஊசியாகவும் போட்டிருக்கலாம். ஆனால் அதை தற்போதைக்கு உறுதிப்படுத்த முடியாது என கூறியுள்ளார்.