FBI, NASA-வை பின்னுக்கு தள்ளிவிட்டு முதலிடம் பிடித்த இந்திய ராணுவம்!

எப்.பி.ஐ, நாசா, ஆகியவற்றை பின்னுக்கு தள்ளிவிட்டு இந்திய ராணுவம் இரண்டாவது முறையாக முதலிடம் பிடித்துள்ளது.
பேஸ்புக்கில் அதிகமானவர்களால் பேசப்படும் மற்றும் லைக் செய்யப்படும் பேஸ்புக் பக்கம் என்ற பிரிவில் இந்திய ராணுவம் முதல் இடம் பிடித்துள்ளது.

எப்.பி.ஐ, நாசா மற்றும் பாகிஸ்தான் ராணுவம் ஆகியவற்றை பின்னுக்கு தள்ளிவிட்டு இந்திய ராணுவம் இரண்டாவது முறையாக முதலிடம் பிடித்துள்ளது குறிப்பிடத்தக்கது.

இந்திய ராணுவத்தினர் இது பற்றி கூறுகையில், இரண்டு மாதங்களுக்கு முன்புதான் எங்கள் பக்கம் இதே பிரிவில் இடம் பிடித்தது.

தற்போது மீண்டும் முதல் இடம் பிடித்துள்ளது, எங்கள் பக்கத்திற்கு தொடர்ச்சியாக மக்கள் வருவதையே இது காட்டுகிறது என தெரிவித்துள்ளது.

இணையத்திலும் இந்தியா - பாகிஸ்தான் மோதல் நடப்பதால், இந்தியாவில் இருந்து பாகிஸ்தான் ராணுவத்தின் பேஸ்புக் பக்கத்தை பார்க்க முடியாதவாறும், பாகிஸ்தானில் இருப்பவர்கள் இந்திய ராணுவத்தின் பேஸ்புக் பக்கத்தை பார்க்க முடியாத படியும் தடை செய்யப்பட்டுள்ளது குறிப்பிடத்தக்கது.