ஆப்பிள் ஜூஸ் & சாலட்

ஜூஸ்:
ஜாவா ஆப்பிள் - ஒன்று
சர்க்கரை - 2 தேக்கரண்டி
உப்பு - ஒரு சிட்டிகை
இஞ்சி - சிறு துண்டு
எலுமிச்சை சாறு - 2 தேக்கரண்டி
சாலட்:
ஜாவா ஆப்பிள் - ஒன்று
எலுமிச்சை சாறு - 2 தேக்கரண்டி
உப்பு - சுவைக்கு
மிளகு - சுவைக்கு
தேன் - சுவைக்கு (விரும்பினால்)



இஞ்சியை தோல் நீக்கவும். பழத்தை சுத்தம் செய்து நறுக்கவும்.


மிக்சியில் நறுக்கிய பழம், இஞ்சி, சர்க்கரை, உப்பு கலந்து ஒரு கப் குளிர்ந்த தண்ணீர் சேர்த்து நன்றாக அடிக்கவும்.


அடித்த ஜூஸை வடிகட்டி, அதில் எலுமிச்சை சாறு கலந்து குடிக்க சுவையாக இருக்கும். விரும்பினால் மிக்ஸியில் அடிக்கும் போது சிறிது புதினாவும் சேர்க்கலாம்.


சாலட்டுக்கு பழத்தை நன்றாக சுத்தம் செய்து நறுக்கி வைக்கவும். மிளகை பொடித்து வைக்கவும்.


பழத்துடன் பொடித்த மிளகு, உப்பு சேர்த்து நன்றாக பிரட்டவும்.


இத்துடன் எலுமிச்சை சாறும் விரும்பினால் சிறிது தேனும் கலந்து சிறிது நேரம் ஃபிரிஜ்ஜில் வைத்து எடுத்தால் சுவையான வேக்ஸ் ஆப்பிள் சாலட் தயார்.