இலங்கை தம்பதி சிறப்பு முகாமில் தற்கொலை முயற்சி

by oviya Tue Aug 04, 2015 4:19 pm

திருச்சியில் உள்ள சிறப்பு முகாமில் இலங்கையைச் சேர்ந்த தம்பதியர் தற்கொலைக்கு முயன்ற சம்பவம் பெரும் பரபரப்பை ஏற்படுத்தியுள்ளது.
இலங்கையைச் சேர்ந்த மகேஸ்வரன் (35) போலி பாஸ்போர்ட் வைத்திருந்த குற்றத்துக்காக கைது செய்யப்பட்டு திருச்சி மத்திய சிறையில் சிறப்பு முகாமில் அடைக்கப்பட்டுள்ளார்.

இந்நிலையில், சென்னையில் வசித்து வந்த அவரது மனைவி பிரசாந்தி (30) நேற்று காலை திருச்சி முகாமில் அவரை சந்தித்தார். பின்னர் இருவரும் மயங்கிய நிலையில் கீழே விழுந்து கிடந்துள்ளனர்.

இதையடுத்து இருவரும் உடனடியாக மீட்கப்பட்டு மருத்துவமனையில் அனுமதிக்கப்பட்டர்.

மருத்துவமனையில் சிகிச்சையின் போது தான் அவர்கள் தூக்க மாத்திரை சாப்பிட்டு தற்கொலைக்கு முயன்றது தெரிய வந்துள்ளது.