மஹிந்தவின் பேரணியில் கலந்துகொள்ள மாட்டேன்: மஹிந்த சமரசிங்க

ஐக்கிய மக்கள் சுதந்திர கூட்டணியின் களுத்துறை மாவட்ட பிரதான பேரிணியில் தான் கலந்துகொள்ள போவதில்லை என அமைச்சர் மஹிந்த சமரசிங்க தெரிவித்துள்ளார்.
கொழும்பில் இன்று இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

இப்பேரணி குருணாகல் மாவட்ட வேட்பாளர், முன்னாள் ஜனாதிபதி மஹிந்த ராஜபக்ச தலைமையில் இடம்பெறவுள்ளது.

இந்தநிலையில் நாவுல பிரதேசத்தில் இடம்பெற்ற பேரிணியின் போது நந்திமத்ர ஏக்கநாயக்கவுக்கு போன்று தனக்கும் களுத்துறை மக்கள் ”ஊ..”. கூச்சலிடுவதற்கு ஆயத்தமாக இருப்பதனால் தான் கலந்துக்கொள்ள போவதில்லை என அவர் சுட்டிக்காட்டியுள்ளார்.

அதேபோல் தேர்தலின் பின்னர் உருவாகும் அரசாங்கம் தேசிய அரசாங்கம் அல்ல எனவும் தேசிய அரசாங்கம் என்றது பிரதமர் ரணில் விக்ரமசிங்கவின் கருத்து மாத்திரமே என அவர் மேலும் குறிப்பிட்டுள்ளார்.