கனடாவில் 20 நாட்களாக தேடப்படும் இந்திய வம்சாவளி இளைஞர்: கொன்று புதைக்கப்பட்டாரா?

கனடாவில் 20 நாட்களாக மாயமான இந்திய வம்சாவளி இளைஞர் கொல்லப்பட்டு புதைக்கப்பட்டிருக்கலாம் என்று பொலிசார் சந்தேகிக்கின்றனர்.
மிஸ்ஸிசௌகா பகுதியை சேர்ந்த ஷான் கப்பாடியா (22), கடந்த 2ம் திகதி முதல் காணவில்லை.

இது குறித்து அவரது பெற்றோர் கடந்த 10ம் திகதி பொலிசில் புகார் செய்துள்ளனர்.

இந்நிலையில், மாயமான அந்த இளைஞரை தேடிவரும் பொலிசார் அவர் கொலை செய்யப்பட்டு பகுதியில் உள்ள கான்கிரீட் இடிபாடுகள் அல்லது புறநகர் பகுதியில் புதைக்கப்பட்டிருக்கலாம் என்று சந்தேகிக்கின்றனர்.

தனியார் புலனாய்வு நிறுவன அதிகாரி ஒருவர் கூறுகையில், அந்த இளைஞர் மாயமான அன்று, அந்த பகுதியில் இருந்த கான்கீரீட் இடிபாடுகளை எடுத்து சென்று புறநகர் பகுதியில் கொட்டியுள்ளனர்.

அதில் அவரது சடலத்தை மறைத்து எடுத்து சென்று இருக்கலாம். ஆனால் சம்பவ இடத்தில் ரத்தகறைகள் உள்ளது.

கைரேகை உள்பட பல்வேறு தடயங்களும் பொலிசாருக்கு கிடைத்துள்ளன.

ஆனால் குற்றவாளி யார் என்று தெரிந்தும் அவரது பின்புலம் கருதி பொலிசார் மறைக்கின்றனர் என்று தெரிவித்துள்ளார்.

இந்நிலையில், பொலிசார் அந்த கான்கிரீட் இடிபாடுகள் எங்கு கொட்டப்பட்டுள்ளது என்பதை கண்டுபிடிக்க பொதுமக்கள் தங்களுக்கு உதவவேண்டும் என கேட்டுக் கொண்டுள்ளனர்.