சிறையில் இருந்து தப்பி ஓடியது ஏன்? குற்றவாளி பரபரப்பு வாக்குமூலம்

மத்தியப்பிரதேசத்தில் சிறையில் இருந்து தப்பிய கொலைக் குற்றவாளி தனது சொந்த ஊரில் உள்ள சிறையில் சரணடைந்துள்ளார்.
நரசிங்பூர் சிறையில் இருந்து பங்கஞ் பஹாடே என்ற கொலைக் குற்றவாளி தப்பிச் சென்றது சிசிடிவி காட்சிகளால் அம்பலமாகியது.

இந்நிலையில் அவர் தனது சொந்த ஊரில் உள்ள சிறையில் சரணடைந்துள்ளார்.

இது குறித்து அவர் கூறுகையில், வெகு தொலைவில் உள்ள சிறையில் தான் அடைக்கப்பட்டதால், அவ்வளவு தூரம் வந்து எனது குடும்பத்தார் என்னை பார்க்க முடிவதில்லை.

சிறையில் எனக்கு தெரிந்தவர்களும் யாரும் இல்லாததால், பேச்சுத் துணைக்குக் கூட ஆள் இல்லாமல் மன அழுத்தத்துக்கு உள்ளானேன்.

அதனால்தான், அங்கிருந்து தப்பித்து, சொந்த ஊரில் உள்ள சிறையில் சரணடைந்தேன் என்று கூறியுள்ளார்.