கொத்து ரொட்டி

ப்ரெட் - 10 துண்டுகள்
வெங்காயம் - ஒன்று
தக்காளி - ஒன்று
கேரட் - ஒன்று
குடைமிளகாய் - ஒன்று
பச்சை மிளகாய் - 2
இஞ்சி, பூண்டு விழுது - 2 தேக்கரண்டி
கரம் மசாலா தூள் - ஒரு தேக்கரண்டி
மிளகாய் தூள் - அரை தேக்கரண்டி
மஞ்சள் தூள் - அரை தேக்கரண்டி
முட்டை - 2
கொத்தமல்லித் தழை - சிறிது
எலுமிச்சை சாறு - சிறிது
எண்ணெய், உப்பு - தேவையான அளவு



வெங்காயம், பச்சை மிளகாய், குடைமிளகாய், தக்காளி மற்றும் கொத்தமல்லித் தழையைப் பொடியாக நறுக்கி வைக்கவும். கேரட்டை துருவிக் கொள்ளவும்.


ப்ரெட்டை சிறு துண்டுகளாக நறுக்கி வைக்கவும்.


பாத்திரத்தில் எண்ணெய் ஊற்றி காய்ந்ததும், வெங்காயம், பச்சை மிளகாய் மற்றும் குடைமிளகாய் போட்டு வதக்கவும்.


வெங்காயம் வதங்கியதும் இஞ்சி, பூண்டு விழுது, மிளகாய் தூள், மஞ்சள் தூள் சேர்த்து நன்கு வதக்கி, தக்காளி மற்றும் கேரட்டை சேர்த்து வதக்கவும். (நான் இத்துடன் சாசேஜ் கறி சேர்த்துள்ளேன்).


வதங்கியதும் கரம் மசாலா தூள், கொத்தமல்லித் தழை மற்றும் உப்புச் சேர்த்து வதக்கவும்.


அதனுடன் முட்டையை உடைத்து ஊற்றவும்.


பிறகு ப்ரெட்டைச் சேர்த்து நன்கு பிரட்டிவிட்டு, கடைசியாக எலுமிச்சை சாறு சேர்த்து கிளறிவிட்டு இறக்கவும்.


ருசியான கொத்து ரொட்டி தயார். சூடாகப் பரிமாறவும்.