கொத்து பன்

சாண்ட்விச் பன் - ஒன்று (அல்லது) ப்ரெட் துண்டுகள் - 8
வெங்காயம் - ஒன்று
தக்காளி - ஒன்று
பச்சை மிளகாய் - ஒன்று
கொத்தமல்லித் தழை - சிறிது
நெய் - ஒரு தேக்கரண்டி
ப்ரிஞ்சி இலை - ஒன்று
முட்டை - ஒன்று
இஞ்சி, பூண்டு விழுது - ஒரு தேக்கரண்டி
மஞ்சள் தூள் - அரை தேக்கரண்டி
கரம் மசாலா தூள் - ஒரு தேக்கரண்டி
உப்பு - தேவைக்கு



பன்னை சிறிய துண்டுகளாக்கி அதன்மீது லேசாக தண்ணீர் தெளித்து வைக்கவும். வெங்காயம், தக்காளி மற்றும் கொத்தமல்லித் தழையைப் பொடியாக நறுக்கிக் கொள்ளவும்.


கடாயில் நெய் ஊற்றி ப்ரிஞ்சி இலை மற்றும் வெங்காயம் போட்டு வதக்கவும்.


வெங்காயம் நன்கு வதங்கியதும் தக்காளி சேர்த்து வதக்கவும்.


தக்காளி குழைய வதங்கியதும் இஞ்சி, பூண்டு விழுது, கரம் மசாலா தூள் மற்றும் மஞ்சள் தூள் சேர்த்து வதக்கவும்.


அனைத்தும் நன்றாக வதங்கியதும், மசாலா கலவையை கடாயில் ஓரமாக ஒதுக்கிவிட்டு அதன் நடுவில் முட்டையை ஊற்றி கொத்திவிடவும்.


பிறகு கொத்தமல்லித் தழை மற்றும் உப்பு சேர்க்கவும்.


அதனுடன் பன் துண்டுகளைப் போட்டு பிரட்டவும். அடுப்பை மிதமான தீயில் வைத்து மசாலா பன்னுடன் சேரும்படி நன்கு கிளறிவிட்டு இறக்கவும்.


மாலை நேர டிஃபனுக்கு ஏற்ற சூடான கொத்து பன் ரெடி