மிளகு தோசை

பச்சரிசி - ஒரு கப்
புழுங்கல் அரிசி - ஒரு கப்
கருப்பு உளுந்து - கால் கப்
மிளகு - 1 1/2 தேக்கரண்டி
தேங்காய் துருவல் - அரை கப்
மிகப்பொடியாக நறுக்கிய வெங்காயம் - 3/4 கப்
கறிவேப்பிலை - சிறிதளவு
தேங்காய் எண்ணெய் - சுடுவதற்கு
உப்பு - தேவையான அளவு


புழுங்கலரிசி, பச்சரிசி இரண்டையும் கழுவி ஒன்றாக 2 மணி நேரம் ஊறவைக்கவும். உளுந்தை கழுவி தனியே ஒரு மணி நேரம் ஊறவைக்கவும்.
முதலில் உளுந்தை போட்டு அரைக்கவும். உளுந்து பாதி அரைந்ததும் அரிசியை போட்டு அரைக்கவும். அவை அரைந்ததும் உப்பு போட்டு கலக்கவும்.
3 மணி நேரம் கழித்து பொடியாக நறுக்கிய வெங்காயம், தேங்காய் துருவல், பொடித்த மிளகு, கறிவேப்பிலை சிறிதளவு எண்ணெய் விட்டு நன்றாக கலக்கவும்.
தோசைக்கல் சூடான பின் 1 1/2 கரண்டி மாவெடுத்து மெல்லியதாக இடவும். தோசையை சுற்றி அரை தேக்கரண்டி எண்ணெய் விட்டு வெந்த பின் திருப்பிப் போட்டு சுடவும்.