வீட்டில் தனியாக இருந்த பெண்ணை எரித்துக் கொன்ற கொள்ளையர்கள்

உத்தரப்பிரதேசத்தில் வயதான பெண்மணி ஒருவர் கொள்ளையர்களால் எரித்துக் கொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.
முசாபர் நகர் பகுதியில் நரேந்திர சிங் என்பவர் மனைவி சரோஜுடன் வசித்து வந்துள்ளார்.

நேற்றிரவு நரேந்திர சிங் வெளியே சென்ற போது, சரோஜ் வீட்டில் தனியாக இருந்துள்ளார்.

அந்த நேரத்தில் வீட்டுக்குள் புகுந்த மர்ம நபர்கள், சரோஜை தாக்கிவிட்டு நகை, பணம் உள்ளிட்டவற்றை திருடியுள்ளனர்.

பின்னர் அவர்கள் அங்கிருந்து செல்லும் முன், சரோஜை உயிருடன் எரித்துக் கொலை செய்துள்ளனர்.

நரேந்திர சிங் வீடு திரும்பியபோது தனது மனைவி எரிந்த நிலையில் கிடப்பதை பார்த்து அதிர்ச்சி அடைந்துள்ளார்.

இதையடுத்து சம்பவ இடத்துக்கு விரைந்து வந்த பொலிசார், சரோஜின் உடலை மீட்டு பிரேத பரிசோதனைக்கு அனுப்பி வைத்தனர்.

தற்போது இந்த சம்பவம் குறித்து வழக்குப்பதிவு செய்த பொலிசார் மர்ம நபர்களை தேடி வருகின்றனர்.