கணவருடன் கள்ளத்தொடர்பு வைத்திருந்த பெண்ணை எரித்துக் கொன்ற மனைவி

கணவருடன் கள்ளத்தொடர்பு வைத்திருந்த பெண்ணை, உயிரோடு எரித்துக் கொன்றுவிட்டு தப்பியோடிய காவல்துறை துணை ஆய்வாளரின் மனைவியை பொலிசார் தீவிரமாக தேடி வருகின்றனர்.
உத்தப்பநாயக்கனூர் காவல் நிலையத்தில் காவல்துறை துணை ஆய்வாளராக பணிபுரிந்து வரும் பூங்கொடிக்கும் பில்லியம்மாளுக்கும் தகாத உறவு ஏற்பட்டதாக கூறப்படுகிறது.

பில்லியம்மாளின் கணவர் செல்வம் 7 ஆண்டுகளுக்கு முன் இறந்ததை அடுத்து, ஆடுகளை மேய்த்து தனது 2 மகள்களை வளர்த்து வந்துள்ளார்.

பூங்கொடியின் மனைவி குணசுந்தரிக்கு இந்த கள்ளக்காதல் விவகாரம் தெரிய வந்ததால் அவர் சண்டை போட்டுள்ளார்.

ஆனாலும் இருவரின் உறவு நீடித்ததால் ஆத்திரமடைந்த குணசுந்தரி தனது கணவர் உடனான தொடர்பை விடுமாறு நேரில் எச்சரித்துள்ளார்.

அப்போது திடீரென்று தன் கையில் வைத்திருந்த மண்ணெண்ணெயை பில்லியம்மாள் மீது ஊற்றி தீ வைத்திருக்கிறார் குணசுந்தரி.

இதில், உடல் முழுவதும் தீப்பிடித்து பில்லியம்மாள் அலறியதால் அதிர்ச்சியடைந்த அக்கம் பக்கத்தினர் பில்லியம்மாளை பலத்த தீக்காயங்களுடன் மீட்டு உசிலம்பட்டி அரசு மருத்துவமனையில் அனுமதித்தனர்.

அங்கு தீவிர சிகிச்சை அளித்தும் பில்லியம்மாள் சிகிச்சை பலன் அளிக்காமல் மரணமடைந்தார்.

இந்த சம்பவம் குறித்து பில்லியம்மாளின் உறவினர் ராமன் அளித்த புகாரின் பேரில் உத்தப்பநாயக்கனூர் பொலிசார் வழக்கு பதிவு செய்துள்ளனர்.

மேலும் காவல்துறை துணை ஆய்வாளர் பூங்கொடி, அவரது மனைவி குணசுந்தரி உள்பட ஐவர் மீது வழக்குப் பதிவு செய்து தலைமறைவானவர்களை தேடி வருகின்றனர்.