கற்பிட்டி சுற்றுலா விடுதியில் திடீர் தீ விபத்து

கற்பிட்டியவில் அமைந்துள்ள சுற்றுலா விடுதியில் நேற்று இரவு திடீர் தீ விபத்து ஏற்பட்டுள்ளதாக தெரிவிக்கப்படுகின்றது.
தீ விபத்து காரணமாக விடுதியில் தங்கியிருந்த சுமார் 40 வெளிநாட்டவர்கள் விடுதியில் இருந்து வெளியேற்றப்பட்டுள்ளதாக பொலிஸார் தெரிவித்துள்ளனர்.

தீ விபத்துக்கான காரணம் இதுவரையில் அறியப்படவில்லை என்றும் பொலிஸார் குறிப்பிட்டுள்ளனர்.

கற்பிட்டிய பிரதேசத்திலுள்ள பொதுமக்களின் உதவியுடன், தீ கட்டுப்பாட்டுக்குள் கொண்டு வரப்பட்டதுடன் குறித்த விடுதியில் தங்கியிருந்த அனைத்து வெளிநாட்டவரும் தற்போது வேறொரு விடுதியில் தங்க வைக்கப்பட்டுள்ளனர்.

தீ விபத்தினால் எந்த உயிர் இழப்புகளும் ஏற்படவில்லை என பொலிஸார் குறிப்பிட்டுள்ளனர்.

இந்த தீ விபத்தினால் விடுதியின் பொது கட்டடம் முழுமையாக சேதமடைந்துள்ளது. எனினும் முக்கியமான சொத்துக்கள் தீக்கிரையாகாமல் பாதுக்காக்கப்பட்டுள்ளதாகவும் பொலிஸார் தெரிவித்துள்ளனர்.

சம்பவம் தொடர்பாக மேலதிக விசாரணையை கற்பிட்டி பொலிஸார் மேற்கொண்டு வருகின்றனர்.