முதல்வர் ஹெலிகாப்டரில் திடீர் தீ விபத்து

கர்நாடக முதல்வர் சித்தராமையா பயணித்த ஹெலிகாப்டரில் திடீர் தீ விபத்து ஏற்பட்டுள்ளது.
பெங்களூருவில் இருந்து கர்நாடக முதல்வர் சித்தராமையா, சில நலத்திட்டங்களை தொடங்கி வைப்பதற்காக இன்று காலை ஹெலிகாப்டரில் மைசூர் புறப்பட்டுள்ளார்.

இந்நிலையில், ஹெலிகாப்டர் டேக்-ஆப் ஆகும் முன்பு, விபத்து கண்டுபிடிக்கப்பட்டதால் பெரும் விபத்து தவிர்க்கப்பட்டுள்ளதாக தெரியவந்துள்ளது.

ஹெலிகாப்டரில் முதல்வருடன், உள்துறை அமைச்சர் கே.ஜே.ஜார்ஜும் மைசூர் செல்வதாக இருந்துள்ளது.

ஹெலிகாப்டர் டேக்-ஆப் ஆகுவதற்கு சில வினாடிகளே இருந்த நிலையில், இன்ஜினில் தீ பரவியதை விமானி கவனித்ததால் உடனடியாக, முதல்வரும், அமைச்சரும் கீழே இறக்கிவிடப்பட்டுள்ளனர்.

மேலும், ஹெலிகாப்டர் கிளம்பும் முன்பு விபத்து கண்டுபிடிக்கப்பட்டதால், பெரும் அசம்பாவிதம் தவிர்க்கப்பட்டுள்ளது.