விபச்சார விடுதியில் உல்லாசமாக இருந்த 4 பொலிசார் அதிரடி கைது: நடந்தது என்ன?

மேற்கு வங்க மாநிலத்தில் விபச்சார விடுதிக்கு சோதனை செய்ய சென்ற பொலிசார், அங்கு உல்லாசத்தில் ஈடுபட்டிருந்த ஜார்கண்ட் மாநிலத்தை சேர்ந்த 4 பொலிசாரை கைது செய்துள்ளனர்.
ஜார்கண்ட் மாநிலத்தில் உள்ள கோடர்மா சிறைச்சாலை பொலிசார் நால்வர், கொலை குற்றவாளி ஒருவரை மருத்துவ சோதனைக்காக மருத்துவமனைக்கு அழைத்து சென்றுள்ளனர்.

ஆனால் அவர்கள் மருத்துவமனைக்கு செல்லாமல், கொலை குற்றவாளியை அழைத்துக்கொண்டு பக்கத்து மாநிலமான மேற்கு வங்க மாநிலத்தின் அசான்சோல் விபச்சார விடுதிக்கு சென்றுள்ளனர்.

இந்நிலையில், அந்த விடுதியில் விபச்சாரம் நடப்பதாக தகவல் வந்ததை அடுத்து அசான்சோல் பொலிசார், அந்த விபச்சார விடுதியை கூற்றிவளைத்துள்ளனர்.

பின்னர் விடுதியின் உள்ளே சோதனை செய்தபோது தான் 4 பொலிசாரும் உல்லாசம் அனுபவித்துக் கொண்டிருந்தது தெரியவந்துள்ளது.

இதையடுத்து பொலிசார் அந்த 4 பேரையும் கைது செய்த நிலையில், கொலை குற்றவாளி மட்டும் புத்திசாலித்தனமாக தப்பி சென்று, கோடர்மா சிறைக்கே சென்றுவிட்டதாக தகவல்கள் தெரிவிக்கின்றன.

மேலும், இது குறித்து விசாரணைக்கு உத்தரவிட்டுள்ள ஜார்கண்ட் டி.ஜி.பி. டி.கே. பாண்டே அந்த 4 பொலிசாரையும் தற்காலிக பணிநீக்கம் செய்து உத்தரவிட்டுள்ளார்.