சென்னையில் விபச்சார புரோக்கர்கள் 2 பேர் அதிரடி கைது: இளம்பெண்கள் 2 பேர் மீட்பு

சென்னையில் விபச்சார புரோக்கர்கள் 2 பேர் கைது செய்யப்பட்டுள்ளதோடு, வெளிமாநில இளம்பெண்கள் 2 பேர் மீட்கப்பட்டுள்ளனர்.
சென்னையில், அமைந்தகரை முனிரத்தினம் தெருவில் உள்ள ஒரு வீட்டில் விபச்சாரம் நடப்பதாக விபச்சார தடுப்பு பிரிவு பொலிசாருக்கு ரகசிய தகவல் கிடைத்தது.

பின்னர் அங்கு விபசாரம் நடப்பது உறுதியானதை அடுத்து பொலிசார் நடத்திய சோதனையில், வெளிமாநில இளம்பெண் ஒருவரை மீட்டதோடு, அந்த பெண்ணை விபச்சாரத்தில் தள்ளிய செல்வம் (23) என்பவரை கைது செய்தனர்.

கைது செய்யப்பட்ட செல்வம் நீதிமன்றத்தில் ஆஜர்ப்படுத்தப்பட்டு புழல் சிறையில் அடைக்கப்பட்டார்.

மேலும், சென்னை செக்ரடரியேட் காலனி 8-வது தெருவில் உள்ள ஒரு வீட்டில் விபசார தொழில் நடத்தி வந்த புரோக்கர் வாசுதேவன் (29) என்பவர் கைது செய்யப்பட்டார்.

வெளி மாநில இளம்பெண் ஒருவர் அவரிடம் இருந்து மீட்கப்பட்டதை அடுத்து, கைது செய்யப்பட்ட வாசுதேவ் நீதிமன்றத்தில் ஆஜர்ப்படுத்தப்பட்டு புழல் சிறையில் அடைக்கப்பட்டார்.

மேலும், இந்த இரண்டு இடங்களிலும் மீட்கப்பட்ட வெளிமாநில இளம்பெண்கள் 2 பேரையும் மயிலாப்பூர் அரசு மகளிர் காப்பகத்தில் பொலிசார் ஒப்படைத்துள்ளனர்.