பொட்டேடோ - 65

உருளைக்கிழங்கு - ஐந்து
வெங்காயம் - மூன்று
தயிர் - ஒன்றரை கப்
கடலை மாவு - இரண்டு மேசைக்கரண்டி
கரம் மசாலா தூள் - கால் தேக்கரண்டி
பேக்கிங் பவுடர் - கால் தேக்கரண்டி
மிளகாய் தூள் - முக்கால் தேக்கரண்டி
பச்சை மிளகாய் - மூன்று
அஜினொமோட்டொ - கால் தேக்கரண்டி
எண்ணெய் - தேவையான அளவு
உப்பு - தேவையான அளவு


உருளைக்கிழங்கை பெரிய சதுர துண்டுகளாக அரிந்து அதில் கொஞ்சம் உப்பு, பேக்கிங் பவுடர், கடலை மாவு சேர்த்து பிரட்டி வைக்கவும்.
சிறிது நேரம் கழித்து எண்ணெயில் பொன்னிறமாக பொரித்து எடுக்கவும்.
தயிரை ஒரு மெல்லிய துணியில் வைத்து கட்டி தண்ணீர் வடியும் வரை தொங்க விடவும். அந்த வடித்த கட்டி சீஸை எடுத்து ஒரு கரண்டிக் கொண்டு நல்ல மசிக்கவும்.
எண்ணெயை காய வைத்து வெங்காயம், பச்சைமிளகாய், அஜினொமோட்டொ சேர்த்து வதக்கவும். வதக்கி பொன்னிறமானதும் மசித்த தயிரையும், உப்பு, மிளகாய் தூள், கரம் மசாலா தூள் சேர்த்து எண்ணெய் பிரியும் வரை வதக்கவும்.
வதக்கி பொரித்த உருளைக்கிழங்கை இதனுடன் சேர்த்து கிளறி சிறிது நேரம் கிளறி சூடாக பரிமாறவும்.