இஞ்சி சாறு (சளி இருமலுக்கு)

இஞ்சி - ஐம்பது கிராம்
தேன் (அ) சர்க்கரை - தேவைக்கு
உப்பு - ஒரு பின்ச்


இஞ்சியை நல்ல கழுவி தோலெடுத்து பொடியாக நறுக்கி மிக்ஸியில் திரிக்கவும் .
பிறகு கொஞ்சமாக அரைப்படுகிற அளவுக்கு ஆறிய வெந்நீர் ஊற்றி அரைத்து தேங்காய் பால் எடுப்பது போல் டீ வடிகட்டியில் பிழிந்து அந்த சக்கையை தூர போட வேண்டாம்.
ப்ரிட்ஜில் வைத்து மூன்று நாளைக்கு இஞ்சி டீ போட பயன்படுத்தலாம்.
வடிகட்டிய இஞ்சி சாறை ஒரு எவர் சில்வர் டம்ளரில் ஐந்து நிமிடம் ஊற்றி வைக்கவும்.
ஐந்து நிமிடம் கழித்து பார்த்தால் அடியில் நஞ்சு தங்கி இருக்கும் மேலோடு உள்ள சாறை மட்டும் எடுத்து அதில் தேவைக்கு தேன் (அ) சர்க்கரை சேர்த்து ஒரு பின்ச் உப்பு போட்டு குடிக்கவும். குடிக்கும் போது ஒரே சிப்பில் முழுங்கக்கூடாது, மிட்டாய் சப்புவது போல் கொஞ்ச கொஞ்சமாக சாப்பிடனும்.
குழந்தைகளுக்கு பொரை ஏறாமல் பார்த்து கொடுக்கனும்.
மூன்று நாளைக்கு தொடர்ச்சியாக இரண்டு வேளை குடிக்கலாம்.
காரம் அதிகமாக இருந்தால் வயிறு கலக்கும்.