ஆசிட் வீச்சால் பாதிக்கப்பட்டவர்களுக்கு அரசு வேலை

ஆசிட் வீச்சால் பாதிக்கப்பட்டு வேலையின்றி திண்டாடுபவர்களுக்கு அரசு வேலை வழங்க டெல்லி அரசு முடிவு செய்துள்ளது.
டெல்லியில் உள்ள ஒவ்வொரு நகரத்திலும் 35-க்கும் அதிகமான ஆசிட் தாக்குதலில் உயிர்பிழைத்தவர்கள், சிரமத்துடன் வாழ்ந்து வருவதாக அரசுத்துறை புள்ளிவிவரங்கள் தெரிவிக்கிறது.

இதனால், ஆசிட்வீச்சால் பாதிக்கப்பட்டவர்களுக்கு அவர்களின் தகுதிக்கேற்றவாறு தற்காலிக அல்லது நிரந்தர அரசுப்பணிகளை வழங்க டெல்லி அரசு முடிவு செய்துள்ளதாக மூத்த அதிகாரி ஒருவர் தகவல் தெரிவித்துள்ளார்.

இதனடிப்படையில், சேவைத்துறையில் உள்ள காலி பணியிடங்களை நிரப்புவதற்கு ஆசிட் வீச்சால் பாதிக்கப்பட்டவர்களிடம் இருந்து விண்ணப்பங்களை பெறுமாறு சேவைத்துறையிடம் அறிவிக்கப்பட்டுள்ளது.