அரைக்கீரை பொரியல்

அரைக்கீரை - ஒரு கட்டு
சின்ன வெங்காயம் - 10
பச்சை மிளகாய் - 2
மிளகுத் தூள் - ஒரு தேக்கரண்டி
பூண்டு - 10 பல்
தேங்காய் துருவல் - 3 தேக்கரண்டி
தாளிக்க : கடுகு, கறிவேப்பிலை, எண்ணெய்
உப்பு - தேவையான அளவு



கீரையை நன்கு சுத்தம் செய்து ஆய்ந்து பொடியாக நறுக்கிக் கொள்ளவும். வெங்காயம் மற்றும் பச்சை மிளகாயை பொடியாக நறுக்கவும்.


வாணலியில் கடுகு, கறிவேப்பிலை தாளித்து பொடியாக நறுக்கிய வெங்காயம், பச்சை மிளகாய், பூண்டு சேர்த்து வதக்கவும்.


வெங்காயம், பச்சை மிளகாய் வதங்கியதும் பொடியாக நறுக்கிய கீரையை சேர்த்து வதக்கவும். சிறிது நேரத்தில் கீரையில் உள்ள தண்ணீர் வற்றியதும் உப்பு சேர்த்து வதக்கவும்.


கீரை வெந்ததும் அடுப்பை அணைத்து மிளகுத் தூள் மற்றும் தேங்காய் துருவல் சேர்த்து கிளறி இறக்கவும்.


சுவையான அரைக்கீரை பொரியல் தயார்.