பாகற்காய் வேர்க்கடலை கூட்டு

வேர்கடலை - ஒரு கப்
பெரிய வெங்காயம் - ஒன்று
தக்காளி - இரண்டு
கடுகு - அரை தேக்கரண்டி
சீரகம் - அரை தேக்கரண்டி
உளுந்து - அரை தேக்கரண்டி
வெல்லம் - கால் கப்
மிளகாய் பொடி - ஒரு தேக்கரண்டி
மஞ்சள் பொடி - கால் தேக்கரண்டி
உப்பு - ஒரு தேக்கரண்டி


வெங்காயம் மற்றும் தக்காளியை அரிந்து கொள்ளவும். பாகற்காயை வட்டமாக சிறு துண்டுகளாக அரிந்து கொள்ளவும்.
வேர்கடலையை மிக்சியில் பொடித்துக் கொள்ளவும். ஒரு வாணலியில் எண்ணெய் ஊற்றி காய்ந்ததும், நறுக்கி வைத்துள்ள பாகற்காயை போட்டு சிறிது உப்பு சேர்த்து வதக்கவும்.
பொன்னிறமாக வந்தவுடன் வெல்லம் சேர்த்து வதக்கி ஒரு தட்டில் கொட்டிக்கொள்ளவும்.
பிறகு ஒரு வாணலியில் எண்ணெய் ஊற்றி காய்ந்ததும் கடுகு, சீரகம் மற்றும் உளுத்தம்பருப்பு போட்டு கடுகு வெடித்தவுடன் வெங்காயம் போட்டு வதக்கவும்.
வெங்காயம் வதங்கியவுடன் தக்காளி சேர்த்து வதக்கவும். தக்காளி வதங்கியவுடன் வறுத்த பாகற்காயை போட்டு வதக்கவும்.
பின்னர் மிளகாய் பொடி, மஞ்சள் பொடி மற்றும் உப்பு சேர்த்து வதக்கிவிட்டு இரண்டு கப் தண்ணீர் விட்டு வேக வைக்கவும்.
தண்ணீர் சுண்டி காய் வெந்தவுடன் பொடித்த வேர்கடலையை சேர்த்து கிளறி விட்டு இறக்கவும்.