பருத்தித்துறையில் சட்டவிரோதமாக தங்கியிருந்த இந்திய பிரஜை கைது

நாட்டில் சட்டவிரோதமாக தங்கியிருந்த இந்திய பிரஜை ஒருவர் யாழ்ப்பாணம் பருத்தித்துறை பிரதேசத்தில் நேற்று கைது செய்யப்பட்டுள்ளார்.
சந்தேக நபர் குடிவரவு குடியகல்வு சட்டத்தை மீறி, நாட்டில் தங்கியிருந்ததாக காவற்துறையினர் தெரிவித்துள்ளனர்.

இந்திய பிரஜை, பருத்தித்துறை பிரதேசத்தில் ஆடை விற்பனையில் ஈடுபட்டு வந்ததாகவும் அவரிடம் இலங்கையில் தங்கியிருப்பதற்கான வீசா அனுமதி இருக்கவில்லை எனவும் பருத்தித்துறை காவற்துறையினர் கூறியுள்ளனர்.

இதேவேளை குறித்த சந்தேக நபர் இன்று நீதிமன்றத்தில் ஆஜர்ப்படுத்தப்பட உள்ளார்.