இந்திய பிரஜை மற்றும் ரஷ்ய பெண் ஒருவர் கைது

குடிவரவு, குடியகல்வு சட்டங்களை மீறி நாட்டில் தங்கியிருந்த இந்திய பிரஜையொருவர், களுவாஞ்சிக்குடியில் கைதுசெய்யப்பட்டுள்ளார்.
சுற்றுலா வீசாவில் நாட்டிற்கு வருகை தந்து, ஆடை வியாபாரத்தில் ஈடுபட்டிருந்த ஒருவரே நேற்று மாலை கைதுசெய்யப்பட்டதாக பொலிஸ் ஊடகப் பிரிவு தெரிவித்துள்ளது.

தென்னிந்தியாவில் மதுரையைச் சேர்ந்த 27 வயதான ஒருவரே கைதுசெய்யப்பட்டுள்ளார்.

கைதான சந்தேகநபர் களுவாஞ்சிக்குடி நீதவான் நீதிமன்றத்தில் ஆஜர்படுத்தப்படவுள்ளார்.

இதேவேளை காலம் தாமதிக்கப்பட்ட வீசாவுடன் ரஷ்ய நாட்டை சேர்ந்த பெண் ஒருவர் கைது செய்யப்பட்டுள்ளார்.

இவர் மாத்தறை பிரதேசத்தில் வைத்து நேற்று கைது செய்யப்பட்டுள்ளதாக பொலிஸார் தெரிவித்துள்ளனர்.

குறித்த பெண் 54 வயதுடையவர் எனவும், அவர் மாத்தறை நீதவான் முன்னிலையில் ஆஜர்படுத்தப்பட்ட போது நாளை வரை விளக்கமறியலில் வைக்கப்பட்டுள்ளார் எனவும் தெரிவிக்கப்பட்டுள்ளது.