தலைவன் சொல்லுக்கு மாத்திரமே கட்டுப்படுவேன்: அநுர பிரியதர்ஷன

தனது தலைவன் சொல்வதை தவிர வேறு எவருடைய சொல்லுக்கும் தலைசாய்க்கப்போவதில்லை என ஸ்ரீலங்கா சுதந்திர கட்சியின் பொதுச் செயலாளார் அநுர பிரியதர்ஷன யாப்பா தெரிவித்துள்ளார்.
ஸ்ரீலங்கா சுதந்திர கட்சியின் தலைமைகத்தில் இன்று இடம்பெற்ற ஊடகவியலாளர் சந்திப்பிலேயே அவர் இதனை தெரிவித்துள்ளார்.

முன்னாள் ஜனாதிபதி மஹிந்த ராஜபக்சவிற்கு ஆதரவாக நடத்தப்படும் கூட்டங்களில் கலந்து கொள்ளும் சுதந்திர கட்சி உறுப்பினர்கள் மீது ஒழுக்காற்று நடவடிக்கை எடுக்க வேண்டும் என மேல் மாகாண சபை உறுப்பினர் ஹிருணிகா பிரேமச்சந்திர தெரிவித்த கருத்துக்கு பதில் அளித்த போதே அவர் இதனை குறிப்பிட்டுள்ளார்.

இதேவேளை ஸ்ரீலங்கா சுதந்திர கட்சி உறுப்பினர்கள் வெவ்வேறு இடங்களில் ஊடக சந்திப்புக்களை நடாத்தாமல் கட்சி தலைமையகத்தில் நடத்த வேண்டும் எனவும் அவர் கேட்டுக் கொண்டார்.