ஜனாதிபதி முறைமை மாற்றத்திற்கு ஆதரவில்லை: அநுர பிரியதர்ஷன

தேர்தல் முறையில் மாற்றத்தை ஏற்படுத்தாமல் வெறுமனே நிறைவேற்று அதிகாரம் கொண்ட ஜனாதிபதி முறைமையில் மாற்றத்தை ஏற்படுத்துவதற்கு ஆதரவு வழங்கமாட்டோம் என ஐக்கிய மக்கள் சுதந்திர கூட்டமைப்பு தெரிவித்துள்ளது.
இலங்கை மன்ற கல்லூரியில் ஜனாதிபதி தலைமையில் நேற்று இடம்பெற்ற கலந்துரையாடலின் போதே இத்தீர்மானம் எட்டப்பட்டுள்ளது.

கூட்டமைப்பின் கட்சித் தலைவர்கள் ஒன்றிணைந்து இத்தீர்மானத்தை எடுத்துள்ளனர் என ஸ்ரீலங்கா சுதந்திர கட்சியின் பொதுச் செயலாளர் அநுர பிரியதர்ஷன யாப்பா தெரிவித்துள்ளார்.

தேர்தல் முறைமையில் மாற்றத்தை கொண்டு வராமல் வெறுமனே நிறைவேற்று அதிகாரம் கொண்ட ஜனாதிபதி முறைமையில் மாற்றத்தை ஏற்படுத்துவதில் எவ்வித பயனும் இல்லை.

குறித்த இரு மாற்றங்களும் ஒரே தடவையில் கொண்டு வரப்பட வேண்டும் என வலியுறுத்தி இக்கலந்துரையாடலின் போது தீர்மானமொன்றும் நிறைவேற்றப்பட்டுள்ளது.