பெரும்பான்மையை பெறுவதே கட்சியின் இலக்கு: அநுர பிரியதர்ஷன

ஸ்ரீலங்கா சுதந்திர கட்சியுடன் கூட்டிணையவுள்ள கட்சிகளுடன் இணைந்து நாடாளுமன்றத்தின் பெரும்பான்மையை பெற்று கொள்வதே எமது இலக்கு என அக்கட்சியின் பொதுச் செயலாளர் அநுர பிரியதர்ஷன யாப்பா தெரிவித்துள்ளார்.
அவர் ஊடகங்களுக்கு வெளியிட்டுள்ள ஊடக அறிக்கையிலேயே இவ்வாறு தெரிவித்துள்ளார்.

ஸ்ரீலங்கா சுதந்திர கட்சியின் மீள் கட்டமைப்பு பணிகள் மீண்டும் ஆரம்பிக்கப்பட்டுள்ளதாகவும், எதிர்வரும் பொது தேர்தலில் அதிகமான வாக்குகளை பெற்று நாடாளுமன்றத்தின் பெரும்பான்மையை பெற்று கொள்ளும் எனவும் அவர் சுட்டிக்காட்டியுள்ளார்.

ஸ்ரீலங்கா சுதந்திரர கட்சியின் நடவடிக்கைகளை பலமற்றவையாக்கும் திட்டத்தில் பல்வேறு பிற்போக்கு சக்திகள் முயற்சித்து வருகின்ற என அவர் குற்றம் சுமத்தியுள்ளார்.

அத்துடன் அரசியல் கட்சிகளினால் ஏற்பாடு செய்யப்படும் அரசியல் கூட்டங்களுக்கு ஸ்ரீலங்கா சுதந்திர கட்சியின் அனுமதியின்றி கட்சியின் மக்கள் பிரதிநிதிகள் பங்கேற்பதற்கு முற்றாக தடை விதிக்கப்பட்டுள்ளது என தெரிவித்ததோடு,

சுதந்திர கட்சியின் மக்கள் பிரதிநிதிகள் தங்களது தனிப்பட்ட கருத்துக்களை ஊடகங்களில் முன்வைக்கவும் முற்றாக தடை விதிக்கப்பட்டுள்ளது எனவும் குறிப்பிட்டார்.