தெலுங்கு நடிகர் சோபன் பாபுவின் சிலையை அகற்றும் போராட்டம்! சென்னையில் பரபரப்பு

சென்னையில் சோபன்பாபு சிலையை அகற்றக்கோரி போராட்டத்தில் ஈடுபட முயன்ற தமிழர் முன்னேற்ற படையின் நிறுவனர் மற்றும் அவரது இயக்கத்தைச் சேர்ந்தவர்களை பொலிசார் கைது செய்துள்ளனர்.
வேளாங்கண்ணியை அடுத்த தெற்கு பொய்கை நல்லூரில் கோவில் ஒன்றில், அமைக்கப்பட்ட விடுதலைப்புலிகள் இயக்கத்தலைவர் பிரபாகரனின் சிலை கடந்த சில வாரங்களுக்கு முன்னர் அகற்றப்பட்டது.

இதற்கு தமிழ் ஆர்வலர்கள் பலரும் எதிர்ப்பு தெரிவித்த நிலையில், பிரபாகரன் சிலையை அகற்றியதைக் கண்டித்தும், மீண்டும் அந்த சிலையை நிறுவ வலியுறுத்தி வந்தனர்.

இந்நிலையில், சென்னையில் உள்ள தெலுங்கு நடிகர் சோபன் பாபுவின் சிலையை அகற்றும் போராட்டம் நடைபெறும் என்று தமிழர் முன்னேற்ற படையின் நிறுவனர் கி.வீரலட்சுமி அறிவித்தார்.

சென்னை மேத்தா நகர், நெல்சன் மாணிக்கம் சாலையில் உள்ள தனியார் இடத்தில் தெலுங்கு நடிகர் சோபன் பாபுவின் சிலை அவரது குடும்பத்தாரால் வைக்கப்பட்டுள்ளது.

இதையடுத்து சென்னை மேத்தா நகர் நெல்சன் மாணிக்கம் சாலையில்உள்ள சோபன் பாபுவின் சிலை அருகே ஏராளமான பொலிசார் பாதுகாப்புக்காக நிறுத்தப்பட்டனர்.

எனவே முன்னெச்சரிக்கை நடவடிக்கையாக தமிழர் முன்னேற்ற படையின் நிறுவனர் கி.வீரலட்சுமி மற்றும் அவரது இயக்கத்தைச் சேர்ந்தவர்களை பொலிசார் கைது செய்தனர்.