உடவலவை பிரதேசத்தில் மாணவனின் சடலம் மீட்பு

உடவலவை பிரதேசத்தில் அமைந்துள்ள மிரிஸ்வெல்பொத்த பாடசாலைக்கு அருகில் உள்ள காணிப்பகுதியிலிருந்து இன்று காலை மாணவன் ஒருவரின் சடலம் மீட்டுள்ளதாக உடவலவை பொலிஸார் தெரிவித்தனர்.
அப்பகுதியிலுள்ள சிங்கள பாடசாலை ஒன்றில் 11ம் தரத்தில் கல்வி பயிலும் 17 வயது மதிக்கத்தக்க இந்த மாணவனின் சடலம் வெட்டுக்காயங்களுக்குள்ளான நிலையிலேயே மீட்கப்பட்டதாக பொலிஸார் மேலும் குறிப்பிட்டனர்.

குறித்த மாணவனை நேற்று முதல் காணவில்லையென பெற்றோர்களால் முறைபாடு செய்திருந்தமை குறிப்பிடதக்கது.

சடலம் பிரேத பரிசோதனைக்காக உடவலவை வைத்தியசாலையில் வைக்கப்பட்டுள்ளதாக தெரிவிக்கப்படுகின்றது.

இச்சம்பவம் தொடர்பான மேலதிக விசாரணைகளை உடவலவை பொலிஸார் மேற்கொண்டு வருகின்றனர்.