ஐ.தே.க நாடாளுமன்ற பெரும்பான்மையை பெற்றுக் கொள்ளும்: அகில விராஜ்

எதிர்வரும் நாடாளுமன்றத் தேர்தலில் ஐக்கிய தேசியக் கட்சி பெரும்பான்மை பலத்தைப் பெற்றுக்கொள்ளும் என கல்வி அமைச்சர் அகில விராஜ் காரியவசம் தெரிவித்துள்ளார்.
கட்சித் தலைமையகமான சிறிகொத்தவில் இன்று நடைபெற்ற செய்தியாளர் சந்திப்பில் அவர் இதனைத் தெரிவித்துள்ளார்.

புதிய தேர்தல் முறைமை ஒன்றை உருவாக்கும் 20ம் திருத்தச் சட்டம் நாடாளுமன்றில் நிறைவேற்றப்பட உள்ளது.

திருத்தச் சட்டம் நிறைவேற்றப்பட்டதன் பின்னர் வெகுவிரைவில் பழைய முறையில் நாடாளுமன்றத் தேர்தல் நடத்தப்பட உள்ளது.

எதிர்வரும் நாடாளுமன்றத் தேர்தலில் ஐக்கிய தேசியக் கட்சி இலகுவாக வெற்றியீட்டும் எனவும் பெரும்பான்மை பலத்தைக் கைப்பற்றும் எனவும் அவர் மேலும் குறிப்பிட்டுள்ளார்.