ரணிலுக்கு எதிரான நம்பிக்கையில்லாப் பிரேரணை: ஜனாதிபதி எதிர்ப்பு

பிரதமர் ரணில் விக்ரமசிங்க மற்றும் அரசாங்கத்திற்கு எதிராக கொண்டுவரப்பட்டுள்ள நம்பிக்கையில்லாப் பிரேரணையை நீக்குமாறு ஜனாதிபதி மைத்திரிபால சிறிசேன அறிவுரை வழங்கியுள்ளதாக அரசாங்க தகவல் வட்டாரங்கள் தெரிவித்துள்ளது.
ஐக்கிய மக்கள் சுதந்திர கூட்டணியின் அனைத்து உறுப்பினர்களிடமும் இதனை நீக்குமாறு ஜனாதிபதி கோரிக்கை முன்வைத்துள்ளார் என தெரிவிக்கப்படுகின்றது.

ஸ்ரீலங்கா சுதந்திர கட்சியின் மஹிந்த தரப்பினரினால் இந்நம்பிக்கையில்லாப் பிரேரணை கொண்டுவரப்பட்டுள்ளதுடன், சுதந்திர கட்சி உறுப்பினர்கள் பலர் இதற்கு ஆதரவு தெரிவித்துள்ளனர்.

எப்படியிருப்பினும், நம்பிக்கையில்லாப் பிரேரணைக்கு கையொப்பமிட்ட உறுப்பினர்களில் 35 பேர் கையொப்பங்களை நீக்கிக்கொள்வதற்கு தீர்மானித்துள்ளதாக பின்னர் தெரிவிக்கப்பட்டது.

தான் நியமித்த பிரதமரை நீக்குவதற்காக கொண்டுவரப்பட்டுள்ள நம்பிக்கையில்லாப் பிரேரணை, தனக்கு எதிரான எதிர்ப்பென எண்ணி ஜனாதிபதி இத்தீர்மானத்தை மேற்கொண்டுள்ளார் என தெரிவிக்கப்படுகின்றது