பாதத்தில் மறைத்து 78 இலட்சம் ரூபா பெறுமதியான தங்கம் கடத்தல்!

78 இலட்சம் ரூபாவிற்கும் அதிகமான ஒரு தொகை தங்கத்தை நாட்டிற்குள் கொண்டுவர முற்பட்ட நபர் கட்டுநாயக்க சர்வதேச விமான நிலையத்தில் வைத்து கைது செய்யப்பட்டுள்ளார்.
சந்தேக நபர் இன்றைய தினம் கைது செய்யப்பட்டுள்ளதாக சுங்க பிரிவு ஊடக பேச்சாளர் லெஸ்லி காமினி தெரிவித்துள்ளார்.

குறித்த சந்தேக நபர் தனது பாதங்களில் கட்டி ஒரு தொகை தங்கத்தை நாட்டிற்குள் கொண்டுவர முனைந்துள்ளதாக அவர் குறிப்பிட்டுள்ளார்.

அவர் சார்ஜா நகரிலிருந்து 1.5 கிலோ கிராம் எடையுடைய ஒரு தொகை தங்கத்தை கடத்தி வந்துள்ளார்.

குறித்த சந்தேக நபர் தெகிவளை பகுதியில் வசிக்கும் 43 வயதுடையவர் என விசாரணைகளின் போது தெரியவந்துள்ளது.