ஒரு கோடி ரூபா பெறுமதியான மாணிக்ககற்களுடன் ஒருவர் கைது

by oviya Thu May 28, 2015 2:37 pm

கட்டுநாயக்க விமான நிலையத்தில் சுமார் ஒரு கோடி ரூபா பெறுமதியான மாணிக்ககற்களுடன் ஒருவர் கைது செய்யப்பட்டுள்ளார்.
தாய்லாந்தின் பேங்கொக் நகரை நோக்கி புறப்பட்டுச் செல்வதற்காக இன்று அதிகாலை விமான நிலையத்திற்கு வந்த போதே கைது செய்யப்பட்டதாக சுங்க அதிகாரிகள் தெரிவித்தனர்.

சந்தேக நபர் தந்திரமான முறையில் மறைத்து வைத்திருந்த 105 மாணிக்ககற்களை தாம் கைப்பற்றியதாகவும் சுங்க அதிகாரிகள் கூறியுள்ளனர்.

அளுத்கம பிரதேசத்தை சேர்ந்த 42 வயதான வர்த்தகரே இவ்வாறு கைது செய்யப்பட்டுள்ளார்.

விமான நிலைய சுங்க அதிகாரிகள் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.