ராகிசேமியா வெஜிடபிள் இட்லி

ராகிசேமியா - 2 கப்
கேரட் - 1/2 கப் (பொடிப்பொடியாக நறுக்கியது)
பீன்ஸ் - 1/2 கப் (பொடிப்பொடியாக நறுக்கியது)
பட்டன் மஸ்ரூம் - 1/2 கப் (பொடிப்பொடியாக நறுக்கியது)
வெங்காயம் - 1/2 கப் (பொடிப்பொடியாக நறுக்கியது)
தக்காளி - 1/2 கப் (பொடிப்பொடியாக நறுக்கியது)
இஞ்சி - 1/4 கப் (பொடிப்பொடியாக நறுக்கியது)
வெங்காயத்தாள் - 1/4 கப் (பொடிப்பொடியாக நறுக்கியது)
கொத்தமல்லித்தழை - 1/4 கப் (பொடிப்பொடியாக நறுக்கியது)
எண்ணெய் - 2 டேபிள் ஸ்பூன்
சீரகம் - ஒரு டீஸ்பூன்
மிளகாய்த்தூள் - ஒரு டீஸ்பூன்
கரம் மசாலாத்தூள் - ஒரு டீஸ்பூன்
மஞ்சள்தூள் - ஒரு டீஸ்பூன்
உப்பு - தேவைக்கேற்ப


ஒரு பாத்திரத்தில் தண்ணீர் எடுத்துக் கொள்ளவும். அதில் 1 1/2 டீஸ்பூன் உப்பு கலந்து அதில் ராகிசேமியாவை போட்டு 5 நிமிடம் ஊற வைக்கவும்.
மேலே குறிப்பிட்டுள்ளது போல் கேரட், பீன்ஸ், பட்டன் மஸ்ரூம், வெங்காயம், தக்காளி, இஞ்சி, வெங்காயத்தாள், கொத்தமல்லித்தழை எல்லாவற்றையும் நறுக்கிக் கொள்ளவும்.
ஒரு தவாவில் எண்ணெய் விட்டு அதில் சீரகம் போட்டு பொரிந்ததும், அதில் வெங்காயம் போட்டு நன்றாக வதக்கவும்.
பின்னர் கேரட், பீன்ஸ், மஸ்ரூம், இஞ்சி இவற்றை ஒன்றன் பின் ஒன்றாக போட்டு வதக்கவும் கடைசியில் தக்காளி போட்டு வதக்கவும் பின் வெங்காயத்தாள், கொத்தமல்லித்தழை போட்டு வதக்கவும்.
பின்னர் மஞ்சள்தூள், மிளகாய்தூள், கரம்மசாலாத்தூள் போட்டு வதக்கவும், பின்னர் காய்களுக்கு தேவையான அளவு உப்பு போட்டு கொஞ்சம் தண்ணீர் விட்டு வேகவிடவும்.
ஊறவைத்த சேமியாவை எடுத்து தண்ணீரை வடிகட்டவும். வடிகட்டிய பின் அதில் காய்கலவையை கலந்து கொள்ளவும்.
இட்லி தட்டில் கொஞ்சம் எண்ணெய் தடவி அதில் கொஞ்சம் கொஞ்சமாக எடுத்து குழியில் வைத்து, வேகவைத்து எடுக்கவும். சுவையான ராகிசேமியா வெஜிடபிள் இட்லி தயார்.