இந்திய மீனவர்கள் 14 பேர் கைது

மூன்று படகுகளில் இலங்கை கடல் எல்லைக்குள் பிரவேசித்த 14 தமிழக மீனவர்களை இலங்கை கடற்படையினர் கைது செய்துள்ளனர்.
இவர்கள் நேற்று மாலை தலைமன்னார் கடற்பரப்பில் வைத்து கைது செய்யப்பட்டுள்ளதாக மன்னார் மாவட்ட கடற்றொழில் மற்றும் நீரியல் வளத்துறை உதவிப்பணிப்பாளர் எம்.மெராண்டா தெரிவித்துள்ளார்.

கைது செய்யப்பட்ட மீனவர்கள் தலைமன்னார் நீரியல்வள திணைக்களத்திடம் ஒப்படைக்கப்பட்டுள்ளதுடன், 3 படகுகளும் தலைமன்னார் கடற்படையினரிடம் ஒப்படைக்கப்பட்டுள்ளன.

இதேவேளை இந்திய ஊடகங்கள் கச்சத்தீவுக்கு அருகில் வைத்து 15 இந்திய மீனவர்கள் இலங்கை கடற்படையினரால் கைது செய்யப்பட்டுள்ளதாக தெரிவித்துள்ளன.