இந்திய மீனவர்கள் 54 பேர் இலங்கை கடற்படையினரால் கைது!

கச்சத்தீவு - நெடுந்தீவுக்கு இடைப்பட்ட கடற்பகுதியில் மீன் பிடித்துக்கொண்டிருந்த தமிழக மீனவர்கள் 54 பேர் இலங்கை கடற்படையினரால் கைது செய்யப்பட்டுள்ளனர்.
ராமேஸ்வரம் பகுதியைச் சேர்ந்த மீனவர்களை நேற்றிரவு சுமார் 8.30 மணியளவில் 10 படகுகளுடன் இலங்கை கடற்படையினாரால் கைது செய்யப்பட்டுள்ளதாக இராணுவ பேச்சாளர் ஜயந்த ஜெயவீர தெரிவித்துள்ளார்.

கைது செய்யப்பட்ட தமிழக மீனவர்கள் யாழ்ப்பாணம் மற்றும் தலைமன்னார் முகாமிற்கு கடற்படையினரால் அழைத்து செல்லப்பட்டுள்ளதாக அவர் மேலும் குறிப்பிட்டுள்ளார்.

தமிழக -இலங்கை மீனவர்கள் இடையே மூன்றாம் கட்ட பேச்சுவார்த்தை சென்னையில் வரும் செவ்வாய்க்கிழமை நடைபெறவுள்ள நிலையில் இந்த கைது சம்பவம் நிகழ்ந்துள்ளமை குறிப்பிடத்தக்கது.