இலங்கை மீனவர்கள் ஆறு பேர் இந்திய கடற்படையினரால் கைது

இந்திய கடற்பரப்பில் அத்துமீறி மீன்பிடியில் ஈடுபட்டிருந்த ஆறு இலங்கை மீனவர்களை இந்தியக் கடற்படையினர் கைது செய்துள்ளதாக தெரிவிக்கப்படுகின்றது.

இவர்கள் தமிழக கடற்பரப்பின் தென்கிழக்கே கோடிய கரைக்கு அருகில் மீன்பிடித்துக் கொண்டிருந்த போதே இன்று காலை இவர்களை இந்தியக் கடற்படையினர் கைது செய்துள்ளனர்.

இவர்களுடைய படகுகளையும் இந்தியக் கடற்படையினர் கைப்பற்றியுள்ளனர். அத்துடன் இவர்கள் ஆறு பேரையும் காரைக்கால் மார்க் துறைமுகத்திற்கு அழைத்துச் சென்று பொலிஸாரிடம் ஒப்படைக்க நடவடிக்கை எடுத்துள்ளதாக தெரிவிக்கப்படுகின்றது.

இது குறித்து இந்திய பொலிஸார் மேலதிக விசாரணைகளை மேற்கொண்டு வருகின்றனர்.