வரதட்சணைக்காக மனைவியின் மூக்கு மற்றும் தலைமுடியை கணவனே அறுத்த கொடூரம்

உத்திரபிரதேசத்தில் வரதட்சணைக்காக மனைவியின் மூக்கு மற்றும் தலைமுடியை கணவனே கொடூரமான முறையில் அறுத்த சம்பவம் பெரும் அதிர்ச்சியை ஏற்படுத்தியுள்ளது.
ஹாகமத்பூர் பகுதியில் வசித்து வரும் 34 வயதான ஆலம் என்பவர் தனது மனைவி ரூபினாவிடம் வரதட்சணையாக 20 ஆயிரம் ரூபாய் பணமும் மோட்டர் சைக்கிள் கேட்டுள்ளார்.

ஏழ்மை நிலை காரணமாக மனைவியால் வரதட்சணை தரமுடியாத நிலை இருந்துள்ளது.

இந்நிலையில், மனைவியின் தலைமுடியை ஆலம் கத்திரியால் துண்டித்து விட்டு மூக்கையும் நறுக்கி உள்ளார்.

இந்த கொடூர செயலில் ஈடுபட்ட ஆலம் தலைமறைவாகி விட்டதாக தெரிவித்த பொலிசார் அவரை தீவிரமாக தேடி வருகின்றனர்.

இந்த சம்பவம் தற்போது பெண்ணுரிமை ஆர்வலரிடம் கடும் கொந்தளிப்பை ஏற்படுத்தியுள்ளது.