பொகவந்தலாவயில் ஆசிரியர் ஒருவர் குத்தி கொலை

பொகவந்தலாவை ஆரியபுர பிரதேசத்தில் ஆண் ஒருவர் கத்தியால் குத்தி கொலைசெய்யபட்டுள்ளார்.

இந்த சம்பவம் இன்று விடியற்காலை இடம் பெற்றுள்ளதாக பொகவந்தலாவ பொலிஸார் தெரிவித்தனர்.

குறித்த நபர் மது போதையில் இருந்த போது அவரது சகோதரரின் வர்த்தக நிலையத்தில் பணிபுரிந்து வந்த இளைஞன் ஒருவரால் கத்தியால் குத்தி கொலை செய்யபட்டுள்ளதாக பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.

கொலை செய்யபட்ட நபர் பொகவந்தலாவ பொகவான தமிழ் வித்தியாலயத்தில் ஆசிரயராக பணியாற்றி வந்தார்.

உயிரிழந்தவர் நேற்று கடமைகளை முடித்து விட்டு வீடு திரும்பிய குறித்த ஆசிரியர் இன்று விடியற்காலை தமது வீட்டில் கொலை செய்யப்பட்டு சடலமாக மீட்கபட்டதாக பொகவந்தலாவ பொலிஸார் மேலும் தெரிவித்தனர்.

குறித்த நபர் கொலை செய்யபட்ட வேளை குறித்த நபரும் அவரின் தாயாரும் சந்தேக நபரும் வீட்டில் இருந்ததாக விசாரணைகளில் இருந்து தெரியவந்துள்ளது.

சடலமாக மீட்கபட்டவர் 45வயது மதிக்கதக்க பி.நவனிதரன் என அடையாளம் காணபட்டுள்ளார்.

இதேவேளை மேலதிக விசாரனைகளை ஆரம்பித்த பொலிஸார் சந்தேக நபரை கைது செய்துள்ளதுடன், கொலைக்கு பயன்படுத்திய ஆயுதங்களையும் மீட்டுள்ளனர்.

சடலம் பிரேத பரிசோதனைக்காக நாவலப்பிட்டி மாவட்ட வைத்தியசாலையில் வைக்கப்பட்டுள்ளது.

கைது செய்யப்பட்ட சந்தேக நபரை இன்று ஹற்றன் நீதவான் நீதிமன்றத்தில் ஆஜர்ப்படுத்துவதாக பொகவந்தலாவ பொலிஸ் பொறுப்பதிகாரி சரத் சமரவீக்கிரம தெரிவித்தார்.