கேப்ஸிகம் ஸ்டிர் ஃப்ரை

குடைமிளகாய் - 2 பெரியது
வெங்காயம் - ஒன்று
பூண்டு - 3 பல்
கறிவேப்பிலை - சிறிது
எண்ணெய், கடுகு, சீரகம், உளுந்து, கடலைப்பருப்பு - தாளிக்க
உப்பு
அரைக்க:
பொட்டுக்கடலை / பொரிகடலை - 3 மேசைக்கரண்டி
மிளகாய் வற்றல் - 3
சீரகம் - அரை தேக்கரண்டி
தேங்காய் - ஒரு துண்டு
கறிவேப்பிலை - 5 இலை
உப்பு



முதலில் அரைக்க கொடுத்துள்ளவற்றை அரைக்கவும்.


கடைசியாக அதனுடன் கறிவேப்பிலை சேர்த்து அரைத்துக் கொள்ளவும்.


வெங்காயம், குடைமிளகாயை நீளமாக நறுக்கி வைக்கவும்.


பாத்திரத்தில் எண்ணெய் விட்டு தாளித்து, பொடியாக நறுக்கிய பூண்டு மற்றும் கறிவேப்பிலை சேர்க்கவும்.


நறுக்கிய வெங்காயம், குடைமிளகாய் சேர்த்து பிரட்டவும். பொடியில் உப்பு இருக்கும், அதனால் காய்க்கு மட்டும் சிறிது உப்பு சேர்த்து பின் சிறு தீயில் மூடி வேக விடவும்.


காய் வெந்ததும் பொடியை தூவி பிரட்டவும்.


பச்சை வாசம் போனதும் இறக்கவும். சுவையான கேப்ஸிகம் ஸ்டிர் ஃப்ரை தயார்.