ஈஸி குழிப்பணியாரம்

இட்லி மாவு - 2 கப்
தாளிக்க:
கடுகு - அரை தேக்கரண்டி
உளுத்தம் பருப்பு - அரை தேக்கரண்டி
சீரகம் - அரை தேக்கரண்டி
கடலைப்பருப்பு - சிறிது
கறிவேப்பிலை - சிறிது
மல்லித் தழை - சிறிது
பச்சை மிளகாய் - ஒன்று
நறுக்கிய வெங்காயம் - சிறிது
எண்ணெய், உப்பு



இட்லி மாவில் உப்பு சேர்த்து, திக்காக கலந்து வைக்கவும்.


கடாயில் எண்ணெய் ஊற்றி தாளிக்கக் கொடுத்துள்ளவற்றைத் தாளிக்கவும்.


தாளித்தவற்றை மாவுக் கரைசலில் ஊற்றிக் கலக்கவும்.


பிறகு குழிப்பணியாரச் சட்டியில் எண்ணெய் தெளித்து, மாவை ஊற்றி சிறு தீயில் வைத்து வேகவிடவும்.


6 நிமிடங்கள் கழித்து பணியாரத்தைத் திருப்பிப் போட்டு வேகவிட்டு எடுக்கவும்.


சூடான குழிப்பணியாரத்தை காரச் சட்னியுடன் பரிமாறவும்.