இலங்கை, கசகஸ்தானுக்கு விமான சேவை

இலங்கை மற்றும் கசகஸ்தான் ஆகிய நாடுகளுக்கிடையில் இருதரப்பு விமான சேவை நடைமுறைப்படுத்த நடவடிக்கை மேற்கொள்ளப்பட்டுள்ளது.
அமைச்சரவை முடிவுகளை அறிவிக்கும் வாராந்த ஊடகவியலாளர் சந்திப்பின் போது அமைச்சரவை பேச்சாளர் ராஜித சேனாரத்ன இதனை தெரிவித்துள்ளார்.

இரு நாடுகளுக்கும் இடையில் விமான சேவை தொடர்புகளை ஏற்படுத்திக் கொள்ளும் நோக்கில் இருதரப்பு பேச்சுவார்த்தை ஒன்று இரு நாட்டு பிரதிநிதிகளுக்கும் இடையில் கசகஸ்தானின் அஸ்தானாவில் இடம் பெற்றுள்ளது.

இதன்படி இரு நாடுகளுக்கும் இடையில் விமான சேவையை நடைமுறைபடுத்துவதற்கு உத்தியோகத்தர்கள் மட்டத்தில் ஒப்பந்தம் மேற் கொள்ளப்பட்டுள்ளது.

எனவே குறித்த ஒப்பந்தத்தை பலப்படுத்தும் வகையில் அதிகாரம் பொருந்திய அதிகாரி ஒருவரின் மூலம் ஒப்பந்தத்தில் கைச்சாத்திடவும்,

அதன் மூலம் குறித்த சேவையை துரிதமாக ஆரம்பிக்கவும் விமான சேவைகள் அமைச்சர் கௌரவ ரெஜினோல்ட் குரேவினால் முன்வைக்கப்பட்ட அமைச்சரவை பத்திரத்திற்கு அமைச்சரவை அங்கீகாரம் வழங்கப்பட்டுள்ளமை குறிப்பிடத்தக்கது.