மிக்சட் வெஜிடபுள் கறி

பச்சை பயறு - 100 கிராம்
முள்ளங்கி - சிறிதளவு
பரங்கிக்காய் - சிறிதளவு
பீர்க்கங்காய் - சிறிதளவு
கத்தரிக்காய் - 2 (சிறிது)
உருளைக்கிழங்கு - ஒன்று
பெரிய வெங்காயம் - 2
தக்காளி - ஒன்று
பூண்டு - 5 பல்
பச்சை மிளகாய் - 8
தாளிக்க:
கடுகு, உளுந்து - அரை மேசைக்கரண்டி
சீரகம் - கால் மேசைக்கரண்டி
காய்ந்த மிளகாய் - 2
எண்ணெய் - தேவையான அளவு
உப்பு - தேவையான அளவு



முதலில் பச்சைபயறை வாசம் வரும் வரை வாணலியில் வறுத்து, கழுவி அரை வேக்காடாக வேக வைத்துக் கொள்ளவும்.


எல்லா காய்களையும் சுத்தம் செய்து ஒரே மாதிரியான அளவில் நறுக்கி வைக்கவும்.


வெங்காயம், தக்காளியை நீளவாக்கில் அரிந்தும், பச்சை மிளகாயை கீறியும், பூண்டை நன்றாக இடித்தும் வைக்கவும்.


பாத்திரத்தில் நீர்விட்டு நறுக்கிய காய்களுடன், வெங்காயம், தக்காளி, பச்சை மிளகாய், பூண்டு, உப்பு சேர்த்து வேக விடவும். முக்கால் வேக்காடு வெந்ததும் ஏற்கனவே வேக வைத்த பச்சை பயறை சேர்ந்து 10 நிமிடம் வேக விடவும்.


பின்னர் இறக்கி, ஒரு வாணலியில் எண்ணெய் விட்டு கடுகு, உளுந்து, சீரகம் தாளிக்கவும். பின் காய்ந்த மிளகாய் சேர்த்து, சிறிது வெங்காயம், பூண்டு சேர்த்து பொன்னிறமாக வதக்கவும். பின் அதை இறக்கி வைத்த காய்கறி கலவையுடன் சேர்த்து கிளறி மூடி விடவும்.


சுவையான சத்தான மிக்சட் வெஜிடபுள் கறி ரெடி.