ராகு தோஷம் போக்கும் திருவிடைக்கழி

மயிலாடுதுறையில் இருந்து தில்லையாடி சென்று, அங்கிருந்து திருவிடைக்கழி திருத்தலத்தை அடையலாம். இது முருகனும், சிவனும் இணைந்த ஓர் தலமாகும். இங்குள்ள முருகப் பெருமானுக்குத் தல மரமாக மலைகளில் மட்டுமே தோன்றக்கூடிய குராமரம், இத்திருத்தலத்தில் நிலத்தில் தோன்றி வளர்ந்துள்ளது.

இந்தக் குராமரத்தை, குரா, குரா என்று சொல்லச் சொல்ல, `ராகு', `ராகு' என்ற உச்சரிப்புத் தொடர்வதை அறியலாம். இம்மரத்தின் கீழ் முருகர் யோக நிட்டையில் இருப்பதால், இங்கு அமர்ந்து தியானம் செய்வது சிறப்பாகும். பங்குனி மாதம் பூக்கள் பூக்கும் இம்மரத்தின் கீழ் அர்த்தசாம பூஜையின்போது பால் வைக்கப்படுகிறது.

அதனை இரவு பாம்புகள் அருந்திச் செல்வதாக ஐதீகம் உள்ளது. இத்தனை சிறப்புமிக்க இத்தலத்தை ராகு தோஷத்தால் பாதிக்கப் பட்டவர்கள் தரிசித்து, அர்த்தசாம பூஜையைக் கண்டு வழிபட்டால் தோஷங்கள் நீங்கும்.