குரக்கன் (கேழ்வரகு) ரொட்டி

குரக்கன் (கேழ்வரகு) மாவு - 1 1/2 கப்
சிவப்பு அரிசி மாவு - 3/4 கப்
சர்க்கரை(வெல்லம்) - 3/4 கப்
பெரிய வாழைப்பழம் - 2
உப்பு - ஒரு சிட்டிகை



வெல்லத்தை நசுக்கி தூள் செய்துக் கொள்ளவும். தேவையானவற்றை தயாராக எடுத்து வைத்துக் கொள்ளவும்.


ஒரு பாத்திரத்தில் கேழ்வரகு மாவு, சிவப்பு அரிசி மாவு, பொடித்த வெல்லம், தோல் உரித்த வாழைப்பழம் மற்றும் உப்பு எல்லாவற்றையும் ஒன்றாக சேர்த்து போட்டுக் கொள்ளவும்.


இந்த கலவையுடன் தண்ணீர் சேர்க்காமல் நன்கு பிசைந்து உருட்டி வைத்துக் கொள்ளவும். பிசையும் போது வெல்லம், வாழைப்பழம் இரண்டையும் நன்கு மசித்து விட்டு பிசையவும்.


உருண்டையாக உருட்டி வைத்திருக்கும் மாவை எலுமிச்சை அளவு உருண்டைகளாக தனித்தனியாக உருட்டி வைக்கவும்.


அதன் பின்னர் ஓவ்வொரு உருண்டையாக எடுத்து சப்பாத்தி கட்டையில் வைத்து வட்டமான ரொட்டிகளாக தட்டிக் கொள்ளவும்.


அடுப்பில் தோசைக்கல் அல்லது ஒரு பானை வைத்து தட்டி வைத்திருக்கும் ரொட்டிகளை போட்டு இரு பக்கமும் வெந்ததும் எடுக்கவும்.


சுவையான குரக்கன் ரொட்டி தயார்.