பிணையில் விடுதலையாகிய கோட்டே மேயர், எதிர்கட்சி தலைவர்

கோட்டே மேயர் ஜானக்க ரணவக்க, எதிர்கட்சி தலைவர் யுகத் அப்புஹாமி ஆகிய இருவரும் பிணையில் விடுவிக்கப்பட்டுள்ளனர்.

மேயர் மற்றும் எதிர்கட்சி தலைவரை இன்று கொழும்பு பிரதான நீதிமன்றத்தில் ஆஜர்படுத்திய போதே பிணையில் விடுவிக்கப்பட்டுள்ளனர்.

கடந்த 7ம் திகதி இடம்பெற்ற மோதலையடுத்து இவர்கள் இருவரும் கைது செய்யப்பட்டு நீதிமன்ற உத்தரவின்படி விளக்கமறியலில் வைக்கப்பட்டனர்.

கொழும்பு பிரதான நீதிமன்றத்தில் ஆஜர்படுத்திய போது பிரதான நீதவான் கிஹான் பிலப்பிட்டிய குறித்த இருவரையும் தலா 10 ஆயிரம் ரூபாய் ரொக்க பிணையிலும் ஒரு இலட்சம் ரூபாய் பெறுமதியான இரு சரீர பிணைகளிலும் விடுவித்தார்.

தனியாக எதிர்ப்பு ஆர்ப்பாட்டத்தில் ஈடுப்பட்ட போது கோட்டே மேயர் ஜானக்க ரணவக்க தன்மீது தாக்குதல் மேற்கொண்டதாக எதிர்க்கட்சித்தலைவர் யுகத் அப்புஹாமி குற்றம் சுமத்தியுள்ளார்.

இதேவேளை, எதிர்க்கட்சி தலைவரே குறித்த சந்தர்ப்பத்தில் தன்மீது தாக்குதல் மேற்கொண்டார் என மேயர் பொலிஸில் முறைப்பாடு செய்துள்ளமை குறிப்பிடத்தக்கது.