பாணந்துறை எதிர்கட்சி தலைவர் கைது

பாணந்துறை பிரதேச சபையின் எதிர்கட்சி தலைவர் தாஹிர் பாஸி கைது செய்யப்பட்டுள்ளார்.
அவர் இன்றைய தினம் கைது செய்யப்பட்டுள்ளார் என காவற்துறை ஊடக பேச்சாளர் ருவான் குணசேகர தெரிவித்துள்ளார்.

குறித்த சந்தை கட்டிட தொகுதி மேல் மாகாண சபை முதலமைச்சர் பிரசன்ன ரணதுங்கவினால் திறந்து வைப்பதற்கு ஏற்பாடுகள் செய்யப்பட்டிருந்தன.

இந்நிலையில் எதிர்பாராத வகையில் அங்கு விஜயம் மேற்கொண்ட எதிர்கட்சி தலைவர் தாஹிர் பாஸி சந்தை கட்டிட தொகுதியை திறந்து வைக்க முற்பட்டுள்ளார்.

இதனால் அங்கு கூடியிருந்த ஒப்பந்தகாரர்களும், பிரதேசவாசிகளும் எதிர்கட்சி தலைவரின் செயலுக்கு எதிர்ப்பு தெரிவித்தமையையடுத்து ஏற்பட்ட முறுகல் நிலை காரணமாகவே எதிர்கட்சி தலைவர் கைது செய்யப்பட்டுள்ளார்.

எவ்வாறாயினும் எதிர்கட்சி தலைவர் செய்த முறைப்பாட்டையடுத்து ஒப்பந்தகாரரும் கைது செய்யப்பட்டுள்ளதாக காவற்துறை ஊடக பேச்சாளர் மேலும் தெரிவித்துள்ளார்.