பெரிய பிசாசை விரட்டிய எமக்கு தட்டை எட்டி உதைப்பது சிரமமானதல்ல: தம்பர அமில

பெரிய பிசாசை விரட்டிய தமக்கு தட்டை காலால் எட்டி உதைப்பது ஒன்றும் சிரமமான பணியல்ல என்பதை தினேஷ், விமல், வாசு போன்றவர்கள் புரிந்து கொள்ள வேண்டும் என தம்பர அமில தேரர் கூறியுள்ளார்.
கொழும்பு பல்கலைக்கழகத்தின் சிரேஷ்ட விரிவுரையாளர் கலாநிதி நிர்மால் ரஞ்சித் தேவசிறி மீது நடத்தப்பட்ட தாக்குதலை கண்டித்து கருத்து வெளியிடும் போதே அவர் இதனை கூறியுள்ளார்.

கடந்த மே முதலாம் திகதி முன்னாள் ஜனாதிபதி மகிந்த ராஜபக்சவின் ஆதவு அணியினர் கிருளப்பனையில் நடத்திய மே தினக் கூட்டத்தை பார்க்க சென்றிருந்த நிர்மல் ரஞ்சித் தேவசிறி மீது சிலர் தாக்குதல் நடத்தியிருந்தனர்.

இந்த தாக்குதல் சம்பவத்துடன் தொடர்புடையவர்கள் மீது சட்ட நடவடிக்கை எடுக்கப்பட வேண்டும் என தம்பர அமில தேரர் கூறியுள்ளார்.

இந்த தாக்குதல் சம்பவத்தை கண்டித்து நாளைய தினம் கொழும்பு ரயில் நிலையத்திற்கு எதிரில் ஆர்ப்பாட்டம் ஒன்றும் நடத்தப்பட உள்ளதாக தெரியவருகிறது.