100 நாட்கள் என்பது முக்கியமல்ல: அமில தேரர்

ஜனாதிபதி மைத்திரிபால சிறிசேன வழங்கிய 100 நாள் வேலைத்திட்ட வாக்குறுதிகளை 100 நாட்களுக்குள் மட்டுப்படுத்த தேவையில்லை என ஸ்ரீ ஜயவர்தனபுர பல்கலைக்கழகத்தின் விரிவுரையாளர் அமில தேரர் தெரிவித்துள்ளார்.
வானொலி ஒன்றிற்கு வழங்கிய செவ்வியிலேயே அவர் இவ்வாறு குறிப்பிட்டுள்ளார்.

மேலும் இவ்வேலைத் திட்டத்தில் மிக முக்கியமாக நிறைவேற்றப்பட வேண்டியது பொது தேர்தல் அல்ல மக்களின் எதிர்பார்ப்புகளே என அவர் சுட்டிக்காட்டியுள்ளார்.

100 நாட்கள் என்பது முக்கியம் அல்ல மேலதிகமாக 200 நாட்கள் அல்லது 300 நாட்களை எடுத்துக்கொண்டாலும் பரவாயில்லை ஜனாதிபதி வழங்கிய வாக்குறுதிகளை நிறைவேற்றுவதே முக்கியம் என அவர் கூறியுள்ளார்.

மேலும் பொது தேர்தலுக்கு தற்பொழுது எவ்வித அவசரமும் இல்லை என ஸ்ரீ ஜயவர்தனபுர பல்கலைக்கழகத்தின் விரிவுரையாளர் அமில தேரர் குறிப்பிட்டுள்ளார்.